Kisi ko de ke dil koi - Mirza Ghalib (all couplets)

0
0
494 days ago, 80 views
Yet another masterpiece by Ghalib. Rendering all those 11 couplets was like living the ghazal again....1. kisii ko de ke dil koi navaa-sanj-e-fuGHaaN kyuN ho?na ho jab dil hee seene meiN to fir muNh meiN zubaaN kyoN ho?[navaa-sanj = singer, fuGHaaN = clamour]2. woh apnee KHoo na choDenge, ham apnee waz'a kyuN chhoDeN?subuk-sar ban ke kya poocheiN ki ham se sar_giraaN kyuN ho ?[KHoo = habit, waz'a = conduct/behaviour, subak_sar = light headed/unsteady, sar_giraaN = arrogant/proud]3. kiya GHam-KHwaar ne ruswa, lage aag is muhabbat kona laaye taab jo GHam ki, woh mera raazdaaN kyuN ho?[GHam-Khawaar = comforter, taab = courage/patience,raazdaaN = friend]4. wafa kaisi? kahaaN ka ishq? jab sar phoDna THehrato phir 'ei sang_dil tera hee sang-e-aastaaN kyuN ho?[sang-dil = hard hearted/merciless, sang-e-aastaaN = threshold]5. qafas meiN mujh se roodaad-e-chaman kehte na dar hamdamgiri hai jis pe kal bijlee woh mera aashiyaaN kyuN ho?[qafas = cage/prison, roodaad = report/statement]6. ye kah sakte ho "ham dil meiN naheeN haiN" par ye batlaaoki jab dil meiN tumhee-tum ho to aaNkho se nihaaN kyuN ho?[nihaaN = hidden]7. GHalat hai jazba-e-dil ka shikwa, dekho jurm kiska haina kheeNcho gar tum apne ko kashaakash darmiyaaN kyuN ho?[jazba = desire/feeling, shikwa = complaint,kashaakash = struggle/dilemma, darmiyaaN = between]8. ye fitna aadmee ki KHaana-veeraanee ko kya kam hai?hue tum dost jiske, dushman uska aasmaaN kyuN ho?[fitna = quarrel, KHaanaa-veeraanee = ruinning of home]9. yahee hai aazmaana to sataana kis ko kehte haiN ?adu ke ho liye jab tum to mera imtihaaN kyuN ho?[adu = enemy, imtihaaN = examination]10. kaha tumne ki "kyoN ho GHair ke milne meiN ruswaaee ?"baja kehte ho, sach kehte ho, fir kahiyo ki "haaN kyuN ho?"[ruswaaee = disgrace, baja = right/correct]11. nikaala chaahata hai kaam kya taaanoN se too 'GHalib'tere be-mehar kehne se wo tujh par meharabaaN kyuN ho?[taaanoN = taunts, be-mehar = unkind/repulsive]

SPONSORS

SPONSORS

SPONSORS